Un situacion basta tenso a tuma luga un rato pasa na Solito na momento cu a pidi presencia di polis pa intermedia den un discucion bayendo for di man. Na yegada, e prome patruya a pidi asistencia di mas colega mirando cu menasa a cay.
Un poco despues di 9:00 pm polis ta presenta na un cas na Solito pa un situacion bayendo for di man. Na yegada a bin topa cu hende gritando y un homber cu a caba di lanta cu polis, kita bay y drenta cas.
Prome cu esey el a menasa e polisnan formalmente te asta cu morto. A pidi na prome instante presencia di un subfiscal pa duna ordo pa drenta e cas pero no tabata necesario mas como cu un rato despues a logra detene e persona na sitio y transporte pa warda.
