Diahuebs anochi den un programa special di “Sa Mas” lo tin tres invitado special. E programa ta dirigí pa Nelson “Speed” Andrade y Giovanni Muller. Invitadonan ta Minister di Energía Mike de Meza, Armando Curet cu ta director di CAP Compania Arubano di Petróleo y tambe Alvin Koolman cu ta e director di RdA cu ta Refineria di Aruba.
E programa aki ta un ora y ta draai rond di e exploración di gas y petróleo den nos awanan. E momentonan aki Aruba ta den un fase importante den exploracion cu e prome boramento di prueba. E programa aki ta duna henter e pueblo un bista di e panorama actual y kiko ta e beneficionan pa Aruba durante un ora di programa. Interesante programa cu lo laga abo hopi bon informa di henter e proceso buscando petróleo y gas. Esaki no ta prome biaha. Den pasado no a haya pero awor a enfoke den otro areanan cu si ta dunando bon señal te na e momentonan aki.
