Lumpsum ta un ley apart cu despues di añanan 99, tabata e ultimo biaha cu bo ta haya un solo placa cu bo ta bay. Esey no ta cumbiniente pa e trahado mes, segun hefe di Departamento di Recurso Humano, Omaira Lares.
Gobierno a dicidi cu no ta bay riba e proceso ey y a bin cu e VUT regeling. E tempo aya, e Lumpsum regeling no tabata tin asina tanto hende cu a bay cun’e tampoco, manera cu awor aki, poco poco, yegando bo edad di pensioen, e hendenan ta bay cu e VUT regeling.
Awor aki tin un cantidad di hende cu a nace den añanan 57, 58, 59, cu den e proximo añanan cu ta yegando nan edad di pensioen, segun AOV regeling nobo. Di e 55 nan ta mayoria di e casonan cu a bay. Despues nan ta sluit aan di biaha bay cu e pensioen di ambtenaarnan tambe.
Lares ta spera cu den e proximo siman tin un informacion mas concreto, hunto cu APFA, pa splica e transicion pa e areglo di pensioen.
E prome VUT a cuminsa na 2014. Ya aña pasa algun di nan a caba, pero mayoria ta caba e aña aki. E aña aki nan ta caba cu e VUT uitkering,a base di cual of ta bay cu pensioen, of nan ta bay cu retiro di biaha. E aña aki riba payroll ta bay wak e efecto mas grandi tambe.
Esnan cu a wordo nenga
Na momento cu un persona pidi VUT, tin cu haci cierto investigacionnan den dossier di e persona. Si bo ta pidi VUT y bo ta bisa por ehempel a drenta den servicio dia 1 di Januari 1981, e ora ta bay conta y ta ripara berdad cu bo por haya berdad 36 luna di VUT, pero tin un x cantidaad di aña cu a bay cu un BVVD. Pero en todo caso tin un onderbreking y tin cu regl’e den e sistema pa wak con ta calcula locual cu e hende ta haya. No ta haya e total e ora. Tin cu kita algun cos.
No tin hende ta colga. E comision encarga a sinta un biaha. Y nan a bolbe sinta pa 18 hende, di cual 2 so ta haya un contesta negativo pa haya VUT. Mayoria di nan ta haya un contesta positivo. 6 cu a wordo nenga, tabata algun polis uniforma. Tin dos polis cu si a haya, pero ta hendenan di 59 aña cu ta cerca di bay cu pensioen y nan no ta traha den e parti cu tin escases di polis. Awor aki tin un escases, vooral den e parti ehecutivo, cual ta uniforma. Otronan cu a wordo nenga no ta cay mes na remarca debi cu nan ta hoben. Tin un hende cu a bisa cu nan no kier e VUT mas y ta un persona di Trai Merdia. Seis ta wanta den cuadro mas investigacion. (Nader onderzoek)
Nader Onderzoek
Si un empleado publico cu tin un caso disciplinario pisa riba dje, cu e chens ta grandi cu e ta bay haya su retiro. Si bay dun’e VUT ta un señal robes. Cu esaki e por scapa di haya su retiro. Esey tambe tin dos caso cu a wanta pa haci un investigacion den nan dossier na Ministerio Publico kico ta den e caso aki si ta bay tin suficiente informacion cu por yega na Strafontslag. Si esey no ta e caso, e ora den e proximo simannan, lo saca e peticion ey.
Pa esnan cu tin un caso den corte pendiente, ta asina cu dentro di seis siman mester contesta e hende cu tin e VUT, no por want’e te ora cu e caso den corte caba.
