Bucuti & Tara Beach Resort, Aruba a yama su prome studiantenan universitario y profesornan pa su tour di turismo di sostenibilidad y bienestar di 2024, destacando implementacionnan exitoso ambiental, social y di gobernashon (ESG). Riba 29 di Februari y 1 di Maart, un total di 21 studiante y tres profesor di Georgian Court University na Merca y for di Universidad de Bucaramanga na Colombia a bishita e resort pa presentacionnan y pa siña personalmente for di e personal.
Jeroen van Dasselaar di Bucuti & Tara, Gerente di Sostenibilidad y Certificacion, huntu cu Natalie y Björn Brandts, specialistanan di Wellness, y Melissa Alonzo, Directora di Bentas y Mercadeo, a haci e tour pa e gruponan. E grupo for di Georgian Court University tabata consisti di studiantenan di enfermeria cu tabata interesa den siña tocante e areanan y interseccionnan entre e programa di wellness comprensivo di e resort y e programa extenso di sostenibilidad. E studiantenan di comercio y nan profesor for di Universidad de Bucaramanga a enfoca riba siña con sostenibilidad y exito comercial por prospera huntu na e prome y unico hotel certifica como neutral di carbono den Caribe.
Preparando awor pa e futuro generacionnan
Pa decadanan largo e resort a yama huespedes, studiantenan, profesornan, investigadornan y hasta dignitarionan extranjero cu ta interesa den mira ESG aplica cu exito den mundo real manera e programa di sostenibilidad di Bucuti & Tara.
Ora cu a honra Bucuti & Tara como e unico hotel na mundo pa gana un Premio Global di Accion Climatico di e Nacionnan Uni, e Nacionnan Uni a declara e programa di sostenibilidad di e resort “sumamente replicable y escalable” y a anima mundo, particularmente otro propiedadnan, pa sigui e ehempel. Mientras cu tin estudio di caso y capitulonan di buki dedica na e exito aki, e resort ta realisa cu experimentando esaki en persona ta yuda cu comparticion di conocemento mientras mundo ta enfoca riba combatimento di cambio climatico. Mirando e Metanan di Desaroyo Sostenibel (SDGs) di e Nacionnan Uni aplica den un situacion real ta sigui ta inspirante pa e lidera hoben di ESG di mañan.
Complementando sostenibilidad ta wellness, cual ta un di e tres pilarnan principal di Bucuti & Tara. E manera cu e resort ta acerca sostenibilidad y bienestar ta profundamente interconecta. Practicanan sostenibel ta promove salud ambiental, salud fisico, salud mental, cuido comunitario y bienestar a largo plazo pa tanto hende como planeta.
Integrando sostenibilidad den varios aspecto di bida por yega na resulta den personal y huespedes mas saludabel, miembronan di comunidad y ecosistemanan. E acercamento holistico di Bucuti & Tara ta lanta curiosidad y e resort ta agradecido pa comparti abiertamente cu otro con accionnan di awe lo yuda crea un miho futuro.
Pa siña mas, bishita www.bucuti.com.
