Minister di Economia, mr. Geoffrey Wever, tabata na Pier Scheveningen, n’e ferris wheel na Den Haag, p’un reunion. Diahuebs durante e Aruba Investment Summit 2024 algun inversionista Hulandes tabata presente a mustra nan interes riba Aruba, esey tabata e palabranan di e mandatario.
El a indica cu e inversionistanan tin backup di inversionista local na Aruba cu ta boga pa bin cu un ferris wheel den centro di Oranjestad. Hopi tempo pasa e inversionistanan a yega di tuma contacto cu gobierno y e biaha aki nan tabata presente n’e Summit. Aki a intercambia idea y nan a invita e delegacion di Aruba pa mira e ferris wheel. Tambe pa mira con e operacion ta, pa experencia kico esaki ta significa. Nan a topa diabierna atardi pa asina papia cu nan y scucha e ideanan, incluso pa experencia con esey ta. E mandatario ta haya cu e ta un experencia bon.
Riba e echo con factibel esaki ta pa bin cu ne na Aruba, e mandatario a indica cu esaki ta un iniciativa priva y no ta rekeri inversion di parti gobierno. Ta trata di un grupo di inversionista cu a desaroya e ferris wheel. Nan tin experencia y propio capital, tin nan propio tecnologia.
E inversionistanan aki a partner up cu un partido local cu kier haci esey hunto. Den e parti economico, nan a haci analisis di mercado. Segun Wever, e inversionistanan ta kere cu e ta factibel. E ta factibel economicamente pa bin cu uno. Pa haci tipo di inversion asina aki ta entre cuater y cinco miyon di dollar. E inversion aki ta uno cuantioso, pero e mandatario ta pensa riba e spin off cu esaki por trece.
Pa mas lesa TREMPAN.COM.
