Biblioteca Nacional ta bay haci su di 27 festival di buki pa mucha, unda cu ta haci e culminacion di promocion di lesamento. Biblioteca Nacional su core business ta pa lesamento. No solamente gewoon lesa, pero tambe haci’e leuk. Stimula e muchanan pa lesa. Fuera di esey, awe mañan, nan mes por skirbi storia y conta storia tambe.
Dia 1 di november ta bay tin e festival di buki pa mucha, unda cu ta invita diferente autor tanto di Aruba como di exterior, entre otro Hulanda, Corsou, Boneiro y Colombia.
E contadonan di cuenta por bin cu e buki cu nan kier pa presenta den e klasnan na e forma cu nan kier. E por ta na Papiamento of Hulandes. Si nan ta haya e momento nan por indica esaki na Ingles of Spaño. E bukinan cu ta regala e muchanan, ta haci’e na Papiamento y Hulandes.
E di 27 festival di buki pa mucha di Biblioteca Nacional lo ta dia 1 di November
E di 27 festival di buki pa mucha di Biblioteca Nacional lo ta dia 1 diNnovember. Click e link pa mas https://24ora.tv/2zxJSOl
Posted by 24ora on Thursday, August 29, 2019
Ta enfoca e muchanan for di kleuter, for di 4 te cu e muchanan di 12 aña den zesde klas. Tur scol preparatorio, scol basico y scol special ta participa.
E aña aki e buki cu Biblioteca Nacional ta regala, ta skirbi door di Richard Dabian y e yama e Faro di Multicolor y por hay’e door di cumpra un buki na libreria y haya e buki regalo.
Cu esaki kier a haci un invitacion na tur mucha pa bin Cas di Cultura, dia 1 di november, di 6’or di atardi pa 8’or di anochi y eynan nan ta topa cu tur e autornan y alabes presencia un bunita presentacion.
Biblioteca Nacional tin diferente sponsor cu ta coopera cu e festival di buki pa mucha. Specialmente ta menciona Quota International of Aruba, cual ta e sponsor principal den e evento aki.
