E balor di libertad

PPG Super Descuento
i10 Sedan
RBC Mortgage Switch Campaign 2019
SETAR 3GB Free Data den February

Libertad tin e mesun balor cu salud. Bo ta apreci’e te dia cu bo perd’e. Igual cu salud, bo por perd’einesperadamente door di asumi cu nos ta biba den un estado di derecho pa tanto tempo, cu por cierto pa nos semper ta un derecho natal.

Fabulous Carnival
Cambia, Spaar y Gana

Ta considera “vrijheidsberoving” como un di e delitonan di categoria mayor. Pesey tambe e demanda pa castigo den caso por ehempel di kidnapping ta asina pisa.

“Vrijheidsberoving” ta carga un caracter legal ora cu autoridad detene un persona. Nos a conoce un pasado civico, caminda awa realmente mester pasa hariña prome cu un sospechoso ricibi un ordo di detencion. E interogacion, combina cu e investigacion mester determina, cu bao di e sospecho di suficiente prueba, cu un persona a viola sea directamente of indirectamente un clausula castigabel den nos sistema di ley.

Contrario na pasado caminda hopi evaluacion ta tuma luga prome cu sali un ordo di aresto, a bira un custumber cu e robo di bo libertad ta tuma luga “met de bachi, met de rok”. Style di “have gun will travel”. Demostra cu bo ta inocente pa nos laga bo bay, na lugadi presenta e prueba cu bo ta culpabel y cu pa e grado di bo delito, autoridad mester kita bo, bo libertad.

Den e ultimo decadanan nos a mira cu e norma a cambia y practicamente Ministerio Publico ta hunga di Hues, cu e resultado cu den masha hopi caso e detencion a bira asina largo, cu ya no tin sentido pa hiba e caso den Corte dilanti di un Hues pa dicidi. Di moda cu bo a ricibi un sentencia adelanta y incondicionalmente. Un trayecto irevocabel.

Marko Espinoza ta un clasico prueba con por troce ley. A cer’e e prome biaha a base di un redo cu a bisa cu ela coy ekiponan audiovisual di Gobierno, dia cu esaki a cambia di signatura. E detencion, e interogacion y e investigacion a demostra cu no tabatin nada semehante, cu e no a horta ni un connector, cu no tabata pertenece na su persona. Den e mesun rosea cu nan a kita su libertad, nan a lag’e bay, sin cu tabatin ningun hallazgo, ni mas claridad. Simplemente cu e redo no tabata berdad. E unico conclusion ta cu nan a horta e libertad di un ciudadano inocente pa masha hopi dia. Es mas, e caso nunca lo no yega pa un Hues determina su culpabilidad of su inocencia, pero su nomber a keda mancha pa e resto di su bida. E trauma di pasa dianan den un cel, sabiendo cu bo ta inocente, ta un inhusticiacu hamas lo vapora for di mente di un persona.

Si esey no tabata suficiente, atrobe e mesun Marko, bao di e mesun stigma a confronta cu e payasonan por a cambia, pero e circo a keda mescos. Ta imposibel pa imagina cu e robo di libertad di Marko y awor di Speed Andrade por ta e prioridad mas halto di nos sistema hudicial. Laga nos puntra nos mes si un radio di Polis, riba cual tur esaki ta draai, por ta asina importante pa horta un hende su libertad.

Un radio fantasma, ya cu ningun caminda tin holo di dje, pero cu si mester ta asina importante cu a horta y ta hortando libertad di tanto periodista. No tin ningun conclusion cu lo a haci uzo di e radio fantasma pa colabora cu ningun crimen. E modus operandi na cual nos ta referi, ta crea un impresion inescapable, cu simplemente tin periodistanan cu ta mucho critico y cu pa bienestar politico mester silencia nan.

Ora cu tur otro tactica a faya, mester aplica e maximo castigo, esta di horta nan libertad y directamente horta nan libertad di prensa y di expresion!

Comments

comments

Island Finance – Carnaval