Varios pasahero a bordo di Royal Princess Cruiseship, a informa cu un pasahero a cay for di un upperdeck y a dal den un boto salbabida anochi.
Un di e pasaheronan a relata cu un hende muhe riba Royal Princess a wordo pusha y lo a cay for di Lido Deck, den di 15 of di 16 deck net riba boto salbabida number 2 pa 4’or di mainta. El a muri instantaneamente.
Una bes cu e barco a yega Aruba, autoridadnan a aborda e boto. Resultado di e investigacion ta desconoci.
Pasaheronan a bisa cu e escena tabata hororoso.
Nan a wordo alerta prome di e incidente, ora cu nan a scucha un anuncio rond di 4’or y mey di marduga pa e team di siguridad responde na deck 7, bao di e boto salbabida number 2. Ora cu e crucero a yega den waf na Aruba, e capitan a haci un anuncio cu e investigadornan forensico lo ta biniendo abordo y ningun hende lo ta permiti pa sali, te ora cu e boto ta clear.
Aña pasa Juli, FBI a aresta cada di un dama di 39 aña, kende a wordo asesina abordo di Emerald Princess, opera pa Princess Cruises na Alaska. Na principio di e aña aki, e amigo di un muher di 50 aña a wordo aresta pa asesinato abordo di Carnival Elation.
Luna pasa, un pasahero a wordo aresta, despues cu el a purba di benta su partner for di Radiance of the Seas na Australia.
