Hospital: Pashentnan cu recupera a plaso largo lo sufri efectonan secundario

2565

E departamento di Cuido Intensivo (ICU) tin un ekipo cu ta traha hopi duro. Durante e di dos ola a dal hopi mas duro y a parti e luga den dos, esta area di pahent di COVID y non COVID. Tin mas departamento na B3 cu tambe tin hendenan di ICU, e fluho ta hopi pisa. E di dos ola di COVID ta hopi mas grandi cu a experencia na Aruba compara cu e prome.

Angelo Alvarez, ICU verpleegkundige, a duna di conoce cu hopi hende a bira malo y bin na remarca pa cuido medico den cuido intensivo. Prome tabata tin un capacidad maximo di 12 cama, debi cu e populacion di pashent di COVID a crece hospital mester a amplia e cantidad di cama considerando pashentnan cu no tin COVID y mester haya cuido medico.

Hospital tin bintidos cama den ICU y dies cama den B3, unda tin pashentnan cu optiflow y solamente COVID. Den ICU tin pashentnan cu COVID, kendenan invasivamente ta beademd y esunnan cu ta nakomen. E momento cu ta scoge pa beademd un pashent ta bin pasobra e optiflow no a yud’e. Alvarez a duna di conoce cu optiflow ta un forma di hala rosea pasivo y ta duna un flow halto, pero tambe 100% di zuurstof.

Dr. Horacio E. Oduber tin 32 cama pa atende esunnan cu COVID Pashentnan cu recupera a plaso largo lo sufri efectonan secundario

Dr. Horacio E. Oduber tin 32 cama pa atende esunnan cu COVIDPashentnan cu recupera a plaso largo lo sufri efectonan secundario

Posted by 24ora on Sunday, September 20, 2020

Ta yega un momento cu esey no ta suficiente pa yuda e pashent su pulmon. E intensivista ta dicidi pa beademd e pashent unda e ta hinca un tubo den garganta y pon’e drumi. Hopi biaha ta drumi nan completo pa laga e mashin di hala rosea tuma over henter e trabou di hala rosea. Esaki ta crea terapia p’e pulmonnan por recupera miho.

El a duna di conoce cu hopi biaha di beademd e pashentnan ta uza un druk tiki mas halto cu normal. Esaki ta purba crea condicion p’e mashin haci terapia adecua p’e pulmon. No obstante cu e enfermedad a trece cu ne y e pashent ta entrega tejido, pida di pulmon saludabel. Consecuentemente pashentnan lo keda cu efectonan secundario y na cierto punto ta bay sufri di pulmon, el a duna di conoce.

Ainda ta den investigacion kico ta e consecuencianan na un termino largo. Awo por bisa cu pashentnan a caba di sali for di beademing, pero kico ta e consecuencia specifico pa pulmon. “Loke cu nos no sa ainda kico ta e consecuencia p’e resto organonan,” el a duna di conoce. Loke algun cientificonan a cuminsa denomina caba como e post COVID syndrome, kico e ta bay encera. Hasta un persona jong cu nunca a beademd, pero por ta aki 30 aña ora e ta mas grandi no sa ki efecto secundario ta bay tin. Pa awo por bisa specificamente cu e pulmonan lo keda sufri efectonan secundario.