Por spera mas awasero: Tempo lo sigui mescos pa un dia mas

3234

Servicio Meteorologico di Aruba (Meteo) ta informa cu awe nochi y mañan mainta shelo lo ta parcialmente nubla cu hopi chens di awasero. Biento lo ta modera te basta fuerte for di direccion noordoost te oost cu forsa 3 te 4 (12 te 30km/ora, 7 te 16 nudo).

Situacion general di tempo pa proximo 24 ora:

Durante e proximo 24 oranan humedad induci pa un storing den nivelnan mas abou por desaroya un awasero local cu chens di bin compaña pa strena cu lamper.  Den dia esaki por sosode principalmente den e oranan rond di merdia y lo ta hopi local. 

Condicionnan maritimo/ estado di lama:

Ta spera un estado di lama modera na zuid te localmente bastante bruto te bruto na partinan oost te noordwest den proximo 24 oranan. Olanan lo ta for di noordoost entre 3 pa 7 pia cu esunnan di mas halto na e partinan oost te noordwest unda olanan por piek te 8 pia den labaderanan for di noord-noordoost.

Aviso:

Ta avisa doñonan di boto chikito pa tene cuenta cu labaderanan for di noordoost cu lo afecta nos costa oost te noordwest y esaki por haci lama poco bruto te bruto na e partinan aki. Un aviso pa boto chikito pa e partinan oost te noordwest di costa ta na vigor te diamars mainta 6:00am. Ta pidi usuarionan di lama pa ser vigilante na costa zuid ya cu e labaderanan por yega durante proximo dia na e parti zuid tambe y haci e costa poco bruto.

Por spera mas awasero: Tempo lo sigui mescos pa un dia mas

Por spera mas awasero: Tempo lo sigui mescos pa un dia masClick link pa mas: https://24ora.news/3iPhzQF

Posted by 24ora on Sunday, September 20, 2020

Tempo tropical:

Horcan Teddy tabata move noord- noordwest riba awanan di atlantico central na zuid- zuidoost di Bermuda.Depresion tropical Wilfred ta move den parti central di atlantico, na 1600 km oost di e islanan mas oost di Caribe. Wilfred ta solamente un molester pa navegacion maritimo. Tormenta tropical Beta tabata move den golfo di Mexico, zuid- zuidoost di Galveston, Texas, den direccion west- noordwest. Ningun di e sistemanan aki ta un peliger pa area di Caribe.

Pronostico di tempo pa proximo 3 dianan:

Shelo lo ta parcialmente nubla cu awasero breve. Biento lo ta for di direccion oost y modera; basta fuerte te posiblemente fuerte den rafaga; Temperatura max/min lo ta: 34/28 grado Celsius.