Parlamentario, mr. drs. Arthur Dowers di AVP recientement a vocifera cu e ta corda ainda con, prome minister a comenta cu; desde nan a drenta gobierno, casi no tabata permiti pa papia di integridad y un di e investigacionnan mas transparente cu tin, ta esun contra Guilfred Besaril.
Dowers ta considera henter e “versje” di prome minister, como un idioma di bestia cu e prome mandatario a papia. Tur cos contra Guilfred Besaril a cuminsa na mei 2021 ora cu prome minister di un forma anonimo a ricibi un carta indicando cu Besaril ta hibando un mal maneho den Arubahuis.
Dowers ta sinti cu for di e tempo ey, prome minister a tapa tur locual tabata bayendo robes. Ta apenas ora e carta a sali den prensa, e prome mandatario a sintie preciona pa haci algo y cuminsa move.
Locual ta increibel, ta cu, Evelyn Wever-Croes tabata na altura di e cosnan cu Besaril tabata haci y asina mes a lag’e core campaña y djey bolbe nombr’e como minister na Hulanda. AVP ta sinti cu ta Evelyn Wever-Croes ta esun responsabel, mirando cu e tabata bon na altura y asina mes a hunga wega.
Dowers ta sorprendi cu Wever-Croes ta yama nan partido ta e universidad di corupcion mientras cu den cas mes, tin situacionnan di corupcion tumando luga.
