E mantencion den caya grandi ta andando. Por a tuma nota di diferente vehiculo para p’asina duna e caya un ‘look’ nobo.
Daryl Lue, kende ta hoofdbeheer infrastructuur di DOW, a splica cu den e parti di mantencion, durante e ultimo lunanan, caya grandi tabatin mester di un tiki mas atencion. Esaki sigur ta un area turistico y mester a pone mas supervision.
Den e cuadro aki a dicidi pa tin un mantencion grandi den Caya Betico Croes. Fo’i siman pasa y e siman aki tambe a cera e caya p’asina corta e matanan.
A bin ripara, aunke cu tin 30 bari di sushi den caya, toch esakinan no tabata suficiente. Loke lo haci aworaki ta purba di mira ki structura esaki por tin mas miho.
Un cos cu a saca afo, e 30 bari di sushinan aki ta demasiado poco y mira kico por haci pa aumenta esaki, p’asina por acapara mas sushi den esaki.
Un otro cos a ripara tambe cu e matanan mes tabata laga tipo di sushi cay. Loke lo bay haci tambe durante mantencion grandi aki, ta laga bin spuit cu un pressure washer p’asina mantene e caya un tiki mas limpi.
Tur dia tabatin ploeg pa mantene esaki. A haci un ahuste den e schedule di e ploegnan. Tin un ploeg cu ta dedica pa haci e railnan limpi y un otro ploeg cu ta dedica pa haci e bakinan di mata limpi, etc.
Un cos cu a ripara hopi, aunke cu a pasa diaranson mainta, pa atardi por a mira sushi ta bula rond. Aki tin cu bay wak con pa adresa esaki miho.
