Ayera dialuna e oficialnan federal di US Customs and Border Control (CBP) staciona na Aeropuerto Reina Beatrix, a intercepta un pasahero Mericano tratando pa biaha pa Merca cu droga pega na su curpa. E mucha muhe di edad hoben a yega Aruba 4 dia pasa y tabata cla pa aborda un vuelo ayera pa New York. E Douaneronan Mericano a opta pa detene e pasahero aki mes y pase pa nan coleganan di Douane di Aruba cu a haci e proceso di interogacion pa despues pasa e sospechoso pa Polis di Aruba. No ta conoci ainda e peso di e cocaina, cu tabata geplak na curpa di e pasahero den forma di bodypack.
