Awe tardi pa 2:30pm, un mucha homber hopi jong a fia un mini van color geel di su tata, sin permiso y a sali bay cune. No a dura mucho cu a drenta informa cu na Savaneta, riba un caminda di santo, cu e mucha homber a dal e auto den un palo di luz.
Pa colmo e chauffeur sin rijbewijs tabata hunto cu su ruman chikito den e van. Polis a duna e mucha homber un bon scual pa su acto di baldadi y a mustr’e tambe riba e hecho cu e resultado lo por tabata mas pio y pa e wak pa esaki no ripiti nunca mas!
Ambulance a presenta pa haci un chekeo medico riba e ruman chikito cu a dal su curpa dor di e impacto. Mas cu e sla ricibi, ambos tabata hopi spanta pa e hecho y e consecuencia. E tata awo tin un auto kibra y dor cu e chauffeur no tin rijbewijs, seguro no ta cubri e daño haci tampoco.
