For di mainta te cu 5:30pm, Dominicanonna residencia na Aruba, cu tin un cedula valido y cu un invitacion pa vota, cu yega bisti cu un mondkapje y ta tene nan mes ma distanciamento social por a vota na Centro di Bario Playa Pabou awe diadomingo. Gladys Santana a organisa e evento awe y pa mas o menos 2:00pm solamente 300 Dominicano a vota, di e 2138 Dominicano cu tin derecho di voto awe na Aruba.
Awe 5 di juli 2020 ta teniendo eleccion general na Republica Dominicana, pa eligi un Presidente, un Vice-presidente, 32 Senador y 190 Diputado. A organisa e eleccion originalmente dia 17 di mei ultimo, pero a pospone dor di Coronavirus. Esaki ta di dos eleccion despues di 1994 cu por eligi tur posicion simultaneamente den e mesun eleccion. Si no tin un ganado den e prome rond di votacion, lo sigui cu un di dos buelta.
Pa loke ta Aruba mes, e Consul General di Republica Dominicana riba nos isla a sigura cu pa rond di 9:00pm pa 10:00pm lo anuncia e resultadonan pa e urna electoral di Aruba.