Awe a estrena e cantica Euforia canta p’e hobennan MJ y Tina. E cantica ta un composicion di Sandra Bullet di Portugal y Orchard Gomez di Aruba, kendenan tin un amistad pa añanan pero a dicidi di traha un cantica hunto. E cantica aki ta un soft rock y ta dedica den feliz memoria na Ruben Traxx.
Bullet y Gomez a acerca Ruth Gaarie di Pitbull Singing Production pa mira si tin hobennan cu por crea un duo y canta e cantica Euforia. Asina aki nan a haya e hobennan Dania y Maria Jose Gomez. Velentina Dania, yama artisticamente Tina, tin 18 aña. Pa prome biaha e ta participa den un produccion asina aki, pero a participa den diferente song festival hubenil unda el a gana.
Maria Jose Gomez, artisticamente yama MJ, tin 16 aña y pa prome biaha tambe ta participa den un produccion asina aki. E no tin experencia den festival, pero ambos ta alumno di Pitbull Singing Production pa dos aña. Segun Gaarie, nan a ricibi hopi feedback positivo di e duo y ta kere cu den futuro ambos lo sigui traha hunto.
Den colaboracion cu Tiss Production y Pitbull Singing Production a traha riba e proyecto aki, cu ta un produccion original trilingue. Hunto cu Tina y MJ, e coro cu a compaña nan ta Ruth Gaarie y Pitbull Singing Production. E produccion final tabata den man di Amesty di Venezuela. Nan ta gradici na Unoca, nan executive producer, di a kere den e proyecto desde inicio.
Youtube link: https://youtu.be/IVxyOfEkEVc
