Wiki Loves Monuments Aruba ta e competencia di fotografia mas grandi di mundo cu e meta pa documenta monumentonan. Den dies aña di existencia ya Wikipedia a colecta mas di 1.7 miyon di fotografianan di mas cu setenta diferente pais.
Stichting Monumentenfonds Aruba (SMFA) ta organisando e di cinco edicion di e competencia nacional di Wiki Loves Monuments. Un y tur por participa pa asina haya un chens pa gana mil florin cash. Participantenan tin te cu trinta di september pa upload nan mihor fotografianan di monumento di Aruba via di Wikipedia y asina participa.
Subiendo cualkier pagina di Wikipedia durante september lo haya un banner ariba cu lo dirigi e persona na e pagina di Aruba y siguiendo e pasonan lo por upload e fotografianan y participa. E competencia ta pa tur persona di tur edad, e unico regla di Wikimedia ta cu e fotografia mester ta di e autoria di e persona y na momento cu ta upload esaki ta laga e derechonan liber pa uzo di un y tur.
Despues cu e competencia finalisa, un hurado di tres lo scohe e fotografia ganador y lo nomina e dies mihor fotografianan pa participa cu Wiki Loves Monuments su competencia internacional.
Pa mas informacion por contacta SMFA na [email protected] of sigui nos pagina di Facebook: Stichting Monumentenfonds Aruba.
