Diabierna net prome cu mey anochi a sosode un accidente hopi serio. Un Mitsubishi color blanco a accidenta riba e caminda di San Miguel pa Palm Beach na altura di Gasparito. Cu velocidad halto e chauffeur tabata bay nort cu e auto A-21001. Na caminda e chauffeur a perde control net den e birada pasando Bucanneer.
A baha caminda na man drechi pasa parcialmente dor di dos tronkon di mata di kwihi y keda pega manera ta un avion a baha di emergencia.
Polis a yega y a constata cu tin dos herido y ambos tabata pega den e auto. A pidi e ekipo di rescate di Cuerpo di Bombero na e sitio. A cuminsa na corta e porta di chauffeur pa libera e chauffeur herida. Djey a corta dak pa saca e di dos victima pega bou dashboard.
A dura un poco pero den forma tactico y profesional a logra libera e victima pasahero cu tabata pega. A hiba ambos Hospital. Polis di trafico a presenta pa asina nan haci investigacion.
Ken cu mira e auto pega den e mata di kwihi no por a kere cu nan wowo loke nan tabata mirando. E velocidad halto ta keda un problema den trafico y causa number un pa accidentenan cu herido. Pa saca e auto takelwagen mester bay maniobra basta.
