Diabierna net prome cu mey anochi e accidente a sosode. Diasabra el a bira un atraccion. Despues di desgracia el a bira un adorno pa e area. Un caminda hopi trafico pa centenares of miles di auto diariamente. Polisnan despues di investigacion a opta pa laga e auto asina atras.
No a pidi pa takelwagen pa move e auto. Ta keda na su doño pa saca e auto bay cun’e. Loke si el a trece cune ta un atraccion cu ta kita atencion di hopi chauffeur cu pasa eynan. Nan ta brake y slow pa mira y saca potret den e proceso cu tambe ta un peliger. Otronan ta baha of yega pa cana rond di e auto y mira cu nan mesun wowo kico a keda atras.
Kizas e ta un mahos bista. Pero algo sigur ta cu e ta un bon forma pa ilustra kico por pasa ora ta core duro of otro forma contra regla di trafico. E por concientiza otro automobilistanan riba caminda pa bay mas trankil y consciente na stuur. Un trafico sigur ta bon pa nos tur.
