Mainta trempan, den careda di 7:30 am, a sosode un accidente entre un Chevrolet Trax LTZ number A-73399 color preto y un Infinity A-14137 color blanco n’e t-weg.
Chauffeur di e Chevrolet tabata caminda pa scol y tabata riba e caminda di preferencia. El a splica ora tabata yegando e t-kruising, el a purba evita e accidente na momento cu e auto blanco a sali su dilanti. E no por a haci nada y dal den dje.
Chauffeur di e Infinity a acerca mama di e hoben pa pidi “sorry” y a punta dede di a mira e Chevrolet tabata tin señal pa lora. Tanto mama como e welo a reacciona riba e punto aki y a bis’e un auto cu tin señal mes, e mester warda pasobra e por a lora despues di un t-kruising of crusada.
Un patruya policial a pasa wak e situacion, pero a sigui su ruta. Nagico y Forensys 165 a presenta pa tuma declaracion. Takelwagen tambe a presenta pa bay cu ambos auto, ya cu nan no por a sigui core. Notabel tabata cu airbag di e Infinity si a bula mientras cu esun di e Chevrolet no.
