Docentenan cu a manifesta diabierna a reuni na oficina di SEPPA na Hato, hunto cu sindicatonan SIMAR y SEPPA pa asina discuti riba loke a papia hunto cu prome minister.
Josephine Martilia-Albertus, presidente di SIMAR a comenta cu ora cu e grupo di docente a reuni cu prome minister diamars, nan por a vocifera tur nan preocupacionnan, mirando tur loke tabata tin den e carta.
Hunto cu e prome mandatario, nan lo pone tur punto un biaha mas riba papel y tambe pone nan como prioridad. Tin diferente punto, entre otro di kleuteronderwijs, te cu middelbare onderwijs. A bisa cu lo pone tur cos riba un rij y priorisa e cosnan cu ta loke nan kier cambia pa awo y ta algo a largo plazo cu e docentenan kier bin den un cambio.
Ta pa e motibo aki mes e docentenan a bin hunto cu e dos sindicatonan, caminda cu ta sostene nan, unda cu nan a pone nan preocupacionnan un biaha mas bon riba papel.
Un otro actitud
Por mira e docentenan ta bin hunto y traha hunto pa yega na un meta, door di bin cu un plan strategico pa por pone e cosnan bon riba papel. Esey ta algo hopi bon cu nan ta haciendo.
Un lista
Diabierna, na momento cu e docentenan a bay y hiba nan manifiesto, tabata tin diferente punto cu a bin dilanti dos biaha den e manifiesto. E ora nan kier djis pone tur cos nechi den priorisacion, pa asina e prome minister sa kico ta loke tin cu traha riba dje awor aki, y otronan cu por tuma mas tempo. Pero na final, cu enseñansa p’adilanti.
Post riba social media
Por a mira un post riba Facebook, cu casi ta bagatelisa e docentenan. Directiva di SIMAR no a mira e post aki, mirando cu nan ta bezig den enseñansa. Nan kier pa e calidad bay p’adilanti y no ta pone tempo den esey y a splica e docentenan tambe pa no duna hende balor mas cu nan merece. No bay duna e postnan aki balor, pasobra esey ta stroba e meta cu tin. E meta ta cu nan kier pa enseñansa bay dilanti. Nan kier e calidad di enseñansa keda manera e ta y bira mas miho.
Door di pone energia den e postnan aki, ta duna e hendenan aki mas balor cu nan merece.
