Desde awe mainta trempan a presenta un fayo den distribucion di coriente na NV Elmar, specificamente den e districto di Paradera, den area di e bario di Babijn. “Tecniconan di NV Elmar ta investigando un storing, pero na e momentonan aki ta poco dificil pronostica duracion di e storing”, asina e compania nacional di distribucion di coriente a avisa riba su pagina di Facebook.

Ta algun dia tras di otro cu tin fayo den distribucion di coriente, sea cu e fayo ta sinta na WEB NV of e ta na NV Elmar pero hecho ta cu e ta sosodiendo cu hopi frecuencia. Clientenan ta expresa nan mes rabia y frustra riba rednan social, pasobra dor di monopolio, no tin alternativa cu por garantisa distribucion di coriente confiabel y sigur.

E area afecta awor pa e fayo den distribucion di coriente. NV Elmar no por bisa ainda con largo lo dura pa soluciona e fayo y reestablece distribucion normal.

Comments

comments