E parlamentario di fraccion di oposicion a duna un declaracion diamars merdia den cual ta acusa Gabinete Wever-Croes II di ta hunga un wega cu Hulanda; un wega den cual e economia y autonomia di nos isla ta keda perhudica. “En particular si bo ta wak e presupuesto 2022, CFT a bisa bo cu e presupuesto aki no ta bon, Raad van Advies a bisa bo cu e presupuesto aki no ta bon y oposicion a bisa bo cu e presupuesto aki no ta bon, pero bo tin bo sostenedornan den Parlamento cu ciegamente ta sigui bo, ta apoya tur cos cu bo ta trece dilanti.”
E resultado, segun Santos Do Nascimento, ta cu bo a trece nos pais den un situacion malo, a pone nos ciudadano den un posicion malo, a pone nos autonomia cu awe ta non existent y tur esaki pa motibo; mas cu tur otro cos, di wega político, di mentira y sinceramente di un falta di integridad completo.
E politico a tuma no ta di un post cu Evelyn Wever-Croes a pone e siman aki Facebook encuanto integridad y brasa corrupcion. Loke e ta purba bisa, segun Santos Do Nascimento, no ta ‘brasa corupcion’ paso e ta tapa loke e kier bisa y loke e kier bisa ta: Si bo ta brasa Benny Sevinger, bo ta un corupto y bo ta mas corupto c une. “Esaki ta un mentira di diabel,” segun Santos Do Nascimento, “pasobra e ta nace for di e pensamento cu bo ta scucha hopi cu integridad ta algo cu ta nace bo ta nace cune, comosifuera e ta un nativismo. Bay check, Nel Oduber a post tocante esaki y e partido ta kere den dje.”
Pa e relato completo, lesa TREMPAN
