Do It Center a tene su sale di Black Friday y desde mainta trempan clientenan a yega trempan pa asina probecha di e locura di prijsnan. Desde 6:00am Do It Center a habri su portanan pa asina clientenan por drenta y disfruta di e prijsnan cu nan a pone p’e dia di awe.
Na tur luga di Do It Center clientenan lo haya e mesun prijs, pero tambe lo bay tin musica y hopi ambiente desde momento cu clientenan a drenta di 6:00am. Gilner Dirksen di Do It Center a expresa cu desde 5:30am hendenan a cuminsa yega. Esaki ta prome biaha cu e hardware store a tene un Black Friday Sale. Do It Center ta invita tur hende pa pasa cerca nan pa disfruta di nan prijsnan special y e bucket special. E clientela cu a drenta trempan den Do It Center a haya extra descuento awe. Durante dia tur otro clientela por disfruta di e 15% di descuento, mientras esunnan cu ta miembro ta disfruta di 20% di descuento. Un producto hopi puntra ta e airco di Do It Center y tur hende mester yega trempan pa
cumpra uno, pasobra e ta caba lihe.
Do It Center normalmente ta habri 8:00am riba Black Friday, pero esaki ta prome biaha cu nan ta habri asina trempan pa “maak mee” e locura di Black Friday. A pone algo special di cual tin 50 hot item riba special, di cual por haya esakinan casi na 50% di descuento. Hot items ta BBQ pit, stofzuiger, water pressure, airco, tayo, wea, blender, air fryer y otro items mas. Esaki ta un locura cu Do It Center tin.
Tur hende cu hinca algo den nan bucket ta haya 25% di descuento. Do It Center tabatin esaki caba 2 aña pasa, pero pueblo a pidi pa nan bin cu esaki bek, asina Gilner Dirksen a expresa. E locura aki ta bay te 9:00pm y Do It Center ta warda tur hende yega cerca nan. Tur hende cu yega por disfruta di loke tin den Do It Center y por sali cu algo den nan man sea di e supermercado, e restaurant. Do It Center na Shaba, Savaneta y Camacuri ta habri te cu 9:00pm.