Un par di luna pasa Ma Li, conoci como La China Latina, a pone den circulacion su tema promocional “Caliente’. E tema aki a cana su direccion den pleno pandemia y a posiciona su mes den e “iTunes Top 100 Latin Songs”.
Aña 2022 a habri y durante su bishita na Miami el a ser sorprendi p’e remix bao di e seyo “Adonay Records’. E mambo Dominicano remix aki ta hayando un atencion inespera y esaki ta creciendo masha grandi mes, pero mester menciona cu e tema “Caliente” a drenta bon na Medellin, Colombia.
Ma Li “La China Latina” su ultimo bishita na Colombia tabata un sensacion den tur medio di comunicacion, mas ainda cu e ta Asiatico cantando Spaño, pero e no ta domina e idioma; esey ta haci di su temanan exotico.
