Discurso nacional di Evelyn Wever-Croes: Aruba no a yega na acuerdo y lo sigui negocia

4928

Aruba a pasa e tempestad di COVID, pero un biaha mas ta den dje. El a haci daño mundial, ta un enemigo invisibel, pero e arma contra di e virus aki ta hende mes.

Minister President, mr. Evelyn Wever-Croes durante discurso nacional a bisa cu hende mes mester demostra diciplina door di laba man frecuentemente of hand sanitizer, mantene distancia social, no duna man y brasa otro, uza mondkapje y disciplina di keda paden. Ainda por garantisa e cuido medico cu e cantidad di caso cu tin. Tin cu baha e cantidad di caso, pero mester haci esey hunto.

Discurso Nacional di Prome Minister Evelyn Wever-Croes

Discurso Nacional di Prome Minister Evelyn Wever-Croes. Click e link pa mas https://24ora.news/3k36bRi

Posted by 24ora on Thursday, September 10, 2020

Crisis di COVID no ta e unico tempestad cu Aruba ta den dje, pero tambe ta den crisis economico y financiero. Na momento cu a cera frontera, a corta den area turistico. Ochenta porciento di entrada a cay afo y 37 mil persona cu a traha den sector priva sea a perde entrada of na riesgo pa perde entrada. No por a haya facilmente pa presta placa riba mercado internacional debi na crisis mundial. A sigui cumpli cu pagonan, pero tambe a tuma over pago di salario di sector priva. Tambe a duna subsidio na companianan mediano y chikito pa nan sobrevivi e crisis aki.

Gobierno kier finalisa negociacion cu Hulanda y a palabra di duna un contesta dialuna ultimo na Knops p’e reunion di Reino cu ta tuma luga mañan. Pero siman pasa diabierna a ricibi documentonan actualisa pa comparti esaki cu Parlamento prome cu tuma un decision. Na ultimo momento Hulanda a bolbe cambia condicionnan y ta haci esaki pa di dos biaha. Desde diabierna ta analisa si por traha cu e condicionnan aki. CaFT a aproba pa Gobierno Hulandes fia Aruba e suma di 204 miyon florin pa juli, augustus y september, pero a scrap 15 miyon florin pa AZV. Esaki ta causa un crisis di likides memey di e crisis cu Aruba ta den.