Nelson Gonzalez a cumpra tres par di keds na Shoe Baloo, pero esaki no a sali bon y a hay’e ta cambia dos di nan. El a presenta na Shoe Baloo un biaha mas y pidi e trahado di pacus pa cambia e mercancianan ya cu nan a bolbe kibra.
Suela di un di e keds a kibra y e otro na banda por a mira dede di su yiu. Gonzalez a expresa cu na Aruba no ta traha sapato y a bay di acuerdo pa cambia nan sin problema e prome biaha. Doño di Shoe Baloo a presenta y papia cu e cliente, kende a splica cu pa di dos biaha e keds a kibra y kier un compensacion.
Di mira cu no ta yega na acuerdo cu doño di Shoe Baloo, e cliente a pidi asistencia di polis. Na yegada polis a scucha version di ambos banda. Polis a splica cu Gonzalez tin derecho di cambia e producto of haya su placa bek. Gonzalez no a keda contento cu esaki y scoge pa bandona e sitio sin haya su placa bek of cambia e keds, pero bay cu esnan kibra. El a bisa cu lo manda un keho na e instancia concerni, esta CAS. Tambe e kier manda potret na e compania pa confirma si e producto ta autentico of no.
