Diadomingo atardi alrededor di 6:50 pm polis a presenta na Renaissance Marketplace p’un caso di agresion. Aki ta caminda cu un turista masculino bou influencia a discrimina un persona sinta na un otro mesa.
Intercambio di palabra a dura basta largo. E otro partido na dado momento a fada di tanto insulto y a lanta agredi e homber cu mokete. Siguridad a hala e hombernan for di otro, pero a notifica polis di e caso aki. Na yegada di polis a bay over na detene ambos y transporta nan pa warda di polis.
