Chauffeur di un Hyundai di i10 a ocasiona un accidente den Koningstraat. Ta diadomingo anochi alrededor di 7:00 pm ora cu polis a presenta den Koningstraat p’un accidente. Aki ta caminda un chauffeur di un Hyundai i10 a dal contra di un Kia Rio di cual a sigui dal un Toyota Yaris staciona su dilanti.
Daño na e Rio y Yaris tabata minimo, aunke cu e parti dilanti di e Hyundai i10 a keda completamente destrui. Polis a detene e chauffeur despues di haci un test di alcohol cu ne. Ta permiti pa supla maximo 225 Ugl, di cual e chauffeur aki a supla riba 800 Ugl. A detene y transport’e pa warda di polis. Polis di trafico a presenta p’asina documenta e accidente aki.
