Diadomingo atardi, alrededor di 6:00 pm, polis a para un Hyundai H-1 van un poco mas pariba di rotonde Cumana. E auto tabata core hopi malo riba caminda. Tabata baha caminda varios biaha y core “zigzag”. Polis a par’e pa atende cu e chauffeur riba su comportacion den trafico.
Pa ora chauffeur a baha bentana pa bisa e polisnan; bon tardi, ya e polis a sospecha cu e tabata bou influencia; a dal e polisnan un baf fuerte di alcohol. A haci un test di alcohol cu ne, di cual a resulta cu di berdad e chauffeur ta bou di influencia di alcohol. A detene y transport’e pa warda di polis caminda a present’e dilanti un subfiscal. Tin tur indicacion cu e lo pasa e rest’i anochi tras di tralie.
