Dinamarca y Australia a ofrece na Samara un encuentro hopi iguala, hopi bon hinca den otro y di intensidad halto, cu un empate di 1-1, den su di dos partido di Grupo C di e Copa Mundial di FIFA Rusia 2018.
Tras di un pase soberbio di Nicolai Jorgensen, Christian Eriksen a habri e scoreboard den minuut 7 cu un gol, cu a laga e keeper Australiano Mat Ryan, den scol.
Sin embargo, un man di Yussuf Poulsen den e area Danes (tras di un revision di VAR) a brinda Australia e oportunidad cu tanto e tabata tin mester. Mile Jedinak a transforma e penalty resultante. Pa consecuentemente un carchi geel ricibi, Poulsen lo perde e proximo partido di Dinamarca.
Tras di e descanso, e gran intensidad no a baha cu a caracterisa e prome tempo. Ambos ekipo a crea oportunidad, pero nan no a probecha ningun. E resultdo a pone fin di e racha di cuater derota consecutivo den e Mundial cu Australia tin, mientras cu Dinamarca ta amplia su imbatibilidad na 17 partido.
Foto: FIFA©
