Diasabra awor Brouwerij Nacional Balashi tin dos evento di Cash back y bendemento di biña. Ta invita clientenan pa pasa na Balashi Beer Garden pa cambia cahanan di boter di cerbes bashi of pa cumpra biña.
Durante e “Cash Back Saturday” tur hende por yega cu nan cahanan di boternan bashi di cerbes Balashi, Chill, Hopi Bon y Hopi Stout y por cambia nan pa placa. Cada boter tin un balor di 20 cen, pues 1 caha ta bal Afl. 4,20. E cliente cu yega cu mas caha di cerbes pa cambia lo gana 10 caha di cerbes!
Clientenan por probecha di e evento pa admira e stock grandi di biña cu tin pa ofrece, pa prepara e bar pa temporada di fin di aña. Lo tin prijs special riba biña blanco, biña cora, port wine y sparkling wine. Claro cu ta probecha pa tene sesionnan di “tasting” pa por purba e diferente biñanan, marcanan di casnan renombra.
Brouwerij Nacional Balashi y Tropical Bottling Co. ta invita comunidad di Aruba pa yega di entre 10:00am pa 4:00pm na Balashi Beer Garden pa cambia boternan di cerbes y cumpra biña.
