Un invitacion ta bay pa un exposicion di dibuho, cual ta resultado di un workshop organisa. Ta bay tene cuenta cu tur reglanan di DVG.
Titulo di e exposicion ta E Otro Banda Magico di e Liña. E ta un expo den cual lo tin tambe obranan recien di e artista Mericano, residencia aki pero procedente di Detroit, Tess Walkowsky. E exposicion ta tuma luga riba diadomingo 28, cuminsando pa 6’or di atardi, den sala grandi di exposicion di Ateliers ’89 na Academia di Bellas Artes Aruba den Dominicanessenstraat, na Playa.
Ta invita tur amante di arte pa bin disfruta di un muestra unico pensa pa e maestra di e workshop di dibuho Joanie Croes. El a bin ta trahando riba e obranan y e expo pa un luna largo, y cual ta conta cu participaciondi di diescuatro artista. A pone hopi atencion riba e esencianan y moda contemporaneo di dibuho y su desafionan actual. E participantenan na e workshop ta Eefje Steeghs, Jennifer Jacobs, Alexis Dirksz, Louisa Boekhoudt, Lillianna Olarte, Facundo Franken, Thamyris Thiel, Rachelle Fontaine, Dwayne Heronimo, Patricia ACE, Chrislene Arends, Dinant Esschendal, Geneviève Wientjes, Estella Thodé.
Loading…
Reload document 
Open in new tab E tabata un luna sin igual cu tin biaha alrededor di tres opdracht pa anochi. Pues a traha hopi duro mes y asina nan tur ta haci invitacion na e comunidad cu kier bin mira e exposicion cu su resultado sorprendente.
Hunto cu e exposicion di dibuho lo presenta e obranan recien di Tess Walkowsky. Tess a yega bin duna les di Graffity 4 aña pasa na Ateliers ’89 y awor ta e artista den residencia. E obranan ta traha di materialnan recicla y ta di expresionnan multiple cu conscientisacion di e sushedad grandi actual cu tin na mundo henter. E exposicion lo keda habri te cu 26 di maart, y por wordo mira door di siman di 2pm pa 6pm. Anochinan di workshop te 8pm.
