Dia 8 di februari, despues di casi un aña, Leerorkest Aruba a cuminsa cu lesnan atrobe na Colegio Laura Wernet Paskel y na Prinses Amalia Basisschool. E muchanan di klas 3 tabata hopi entusiasma pa cu nan prome les ariba fio, cello, trompet, trombone, clarinet y dwarsfluit.
Tambe a cuminsa cu AMV (Algemene Muzikale Vorming) online na unda 5 scol ta participa na e proyecto aki cu ta, Graf von Zinzendorf School, St. Paulus School, Stichting Onderwijs van de Advent Zending Aruba (SOAZA), Colegio Laura Wernet Paskel y Prinses Amalia Basisschool.
Aña pasa Leerorkest Aruba a ricibi 144 instrumento for di Leerorkest Amsterdam y ta wordo financia door di e Departamento di Husticia di Hulanda. Un di e metanan di Leerorkest Aruba ta pa eventualmente tur scol basico haya les di AMV y tambe cada scol cu su orkesta pa asina tin muchanan contento, pasobra si e muchanan ta contento, lo tin un Aruba contento.
