McDonald’s Aruba ta anuncia oficialmente edicion 2026 di e campaña “Great Day”, McDonald’s Aruba su evento di caridad anual di mas importante. Riba diabierna, 6 di november, tur entrada genera di e benta di cada Big Mac® lo ta duna directamente na Centro Man Na Obra, marcando asina 10 aña consecutivo di solidaridad y compromiso cu e comunidad di Aruba.
E aniversario importante aki ta reafirma e mision di McDonald’s pa promove inclusion, por medio di subsidia programanan esencial di capacitacion laboral, guia diario y oportunidadnan di empleo pa personanan cu limitacion intelectual, y asina yuda nan pa logra mas independencia y un miho calidad di bida.
Un Big Mac pa un Impacto Grandi: Con Aruba por bini hunto dia 6 di november.
Riba diabierna, 6 di November, tur tres sucursal di McDonald’s na Aruba lo ta uni pa un solo causa:
· Disfruta di un Big Mac y haci un diferencia: Clientenan por cumpra un Big Mac® pa Afl. 11,90 na cualkier McDonald’s, kiosko digital of Drive-Thru. 100% di entrada genera di benta di e dia ta bay directamente pa Centro Man Na Obra.
· Uni na e causa bishitando cualkier sucursal: Comunidad henter ta keda invita pa bishita sea McDonald’s Santa Cruz, Seroe Blanco, of Palm Beach pa asina yega e meta di campaña pa cada restaurant.
· Invitacion pa bestel bo Big Mac®: Ta pidi companianan local, institucionnan y lidernan di ekipo pa motiva y curasha cada persona pa e dia di evento nan cumpra y come Big Mac® durante lunch of dinner y yuda colectivamente logra e meta.
Centro Man Na Obra: Un decada di proposito comparti
Centro Man Na Obra, parti di SVGA (Stichting Verstandelijk Gehandicapten Aruba), ta hunga un rol fundamental den promove dignidad y oportunidadnan na Aruba. Por medio di capacitacion profesional, programanan di trabou diario y integracion social, e fundacion ta yuda adultonan cu limitacion intelectual desaroya habilidadnan valioso, permitiendo nan pa hiba un bida satisfactorio, cu mas independencia y autonomia.
McDonald’s Aruba y Centro Man Na Obra ta invita tur famia, scolnan, companianan local pa marca e fecha di diabierna, 6 di november den boso kalender y bishita cualkier sucursal di McDonald’s, y converti cada un Big Mac® den un impacto significativo pa comunidad.
Pa mas informacion tocante e evento aki, por fabor bishita nos Facebook page:
https://www.facebook.com/
Tocante Arcos Dorados
Arcos Dorados ta e franchise independiente mas grandi di McDonald’s na mundo, cu ta opera e restaurant di servicio lihe na Latino America y Caribe. E tin e derecho exclusivo di ta doño, opera y otorga franchises di restaurantnan di McDonald’s den 21 pais y teritorio Latino America y Caribe cu mas cu 2.400 restaurant, opera pa e Compania of pa nan sub-franchise, cu hunto ta duna trabou na mas cu 100 mil hende (te cu 07/15/2025). E Compania tambe ta compromete cu e desaroyo di e comunidadnan den cua e ta opera, pa duna hoben nan prome oportunidadnan di trabou formal y pa utilisa su Receta pa Futuro pa logra un impacto ambiental positivo. Arcos Dorados ta lista pa comercio riba e stock exchange di New York (NYSE: ARCO). Pa siña mas tocante e Compania, por fabor bishita nos webite: www.arcosdorados.com
Tocante Centro Man Na Obra Aruba
Centro Man Na Obra ta un departamento di S.V.G.A. ta un fundacion non-profit (Stichting Verstandelijk Gehandicapten Aruba), dedica na sostene adultonan cu limitacion intelectual den desaroya independencia y integracion den forsa laboral. E departamento ta enfoca specialmente riba formacion profesional, yuda participantenan desaroya habilidadnan di trabou, ta mas sigur di nan mes y pa algun participante integracion den e forsa laboral.
Pa haya sa mas di Centro Man Na Obra y su programanan por bishita www.svga.aw of sigui Centro Man Na Obra Aruba riba social media.
