Durante tres ora largo partidonan a debati contra otro den Corte riba e asunto di 12.6% cu WEB a kita y kier sigui kita di su empleadonan. Na final a informa cu lo tuma algun siman prome cu e por yega na un decision.
E tabata un caso basta largo mirando tur e partidonan envolvi. E ta un caso inicia door di sindicato SIWA cu ta pidi WEB sinta cu nan na mesa pa discuti e tema di reduccion di 12.6% y pa nan haya loke a kita bek, pasobra riba esey no tabatin un palabracion. WEB na ultimo kier a sinta na mesa, pero sindicato SIWA no acepta pasobra solamente kier a discuti: con ta bay kita e 12.6% y no si ta bay kita y cuanto.
Tur esaki a bini den Corte unda tabatin seis abogado presenta, mas un hurista di gobierno, pa representa e seis partidonan den e caso.
E punto principal di e sindicatonan tabata: a tuma un decision pa corta den algo cu nan tin derecho riba dje y sin cu a sinta y dicidi si nan lo sigui coopera manera nan a haci 8 luna largo. Pero mas importante cu WEB no ta un compania subsidia pa gobierno ni ta doño.
E contra-partido bisa principalmente cu nan e tabata un decision cu mester a ehecuta, ya cu e tabata un condicion di Hulanda pa yuda Aruba cu miyones di florin na prestamo. Sin esey e situacion di Aruba lo ta hopi pio.
Dia 10 di maart awo hues lo dicta sentencia den e caso aki. Pa informacion mas amplio, lesa e edicion di TREMPAN di diabierna mainta.
