Kontinuando ku un investigashon relashoná ku un kaso di ladronisia di un kònteiner ku a tuma lugá dia 2 di yanüari 2020 riba Winston Churchillweg, polis a hasi un detenshon den e kaso aki. Djabièrnè 3 di yanüari 2020, alrededor di 13.10 or, riba òrdu di Ministerio Públiko, personal di warda di polis di Barber a detené e hòmber sospechoso M.S.J., nasé na Kòrsou di 49 aña di edat.
Detenshon a tuma luga na su kas den área di Klein sta. Martha., tambe a konfiská un kònteiner prosedente di e ladronisia pa mas investigashon. A presentá e sospechoso dilanti di un Fiskal Ouksiliar, ku a ordená su enkarselamentu pendiente di mas investigashon.
