Diahuebs marduga Polisnan tabata riba caya y a haya yamada di un Vitara horta na altura di Ponton. Polisnan a cuminsa tira bista riba e auto aki.
Durante patruya e bin topa den area di Tanki Leendert un conoci di husticia fam V. E homber tabata canando cu un tas y bateria di auto. Polisnan a chek su datosnan y no por a saca afo di su storia si e bateria di e auto tabata horta.
Un rato despues e mesun patruya di Polis a topa cu e Vitara horta banda di Shiribana. Mesora a sospecha cu e conoci di Polis V ta esun cu tabata cu e auto. E auto no tabata tin bateria. Polisnan eynan a core pidi coleganan pa tira bista riba e homber cu nan a topa cu bateria un rato prome. A cuminsa un buskeda den tur e cayanan bin pabou di Shiribana pa Tanki Leendert. No a topa cu e homber. Despues cu Polis tabata bezig cu e Vitara, a bay na e cas conoci pa husticia na Shiribana 9B. Eynan a bin topa cu e homber V y tambe bateria cu el a horta for di e Vitara. A bay over na detencion mesora y takelwagen a bay cu e auto warda pendiente investigacion.
