Diabierna marduga polis a presenta na un cas situa na Arendstraat unda cu un homber bebi tabata haci masha fastioso mes.
Eybou a bin compronde cu ta su ex a yama polis pasobra e homber ta bin bati na su bentana di cas na Arendstraat pa e papia cu ne. Pero e señora a bis’e cu e no kier tin nada mas cu ne, e no kier sa di dje y a pidie pa bay for di su cas pero e homber no a comprende y a bati mas duro riba e bentana. No ta prome biaha cu esaki ta pasa.
Hasta e homber a bay na su trabou, haci problema, segun e señora a splica e polisnan. Mirando tur e problemanan aki, ya caba el a entrega un keho contra dje.
Polis a dicidi di detene y transporte pa warda di polis pa motibo cu ta bebi y no por core auto tampoco.
