Ta pa mas of menos 11:30 pm cu a detene e prome sospechoso pa Toque de Queda, den e bario di Madiki. A topa cu un homber canando lomba sunu riba caya manera nad’un pasa. Polis a baha atend’e cu ne mesora y a pidi pa un transporte special pa hib’e ward’i polis. Varios patruya tabata pendiente den tur districto pa mira kende lo detene e prome sospechoso di Toque de Queda, pero cayanan tabata keto for di trempan.
Algun auto cu a para pa control, por a demostra cu nan tabatin motibo pa ta riba caya. Sea nan a sali fo’i trabou of tabata rumbo pa nan trabou. Tambe tin hende cu tabata bayendo botica, pa motibo di tin un fama malo na cas. Tur eseynan ta motibo valido pa ta riba caminda.
Polis a haci uzo di e departamento Cuerpo Especial Arubano (CEA) pa haci e transportenan necesario rond di e detencionnan den Toque de Queda. pa un cobertura completo, lesa TREMPAN.