Hormel Food Corp. recientemente a haci un ‘recall’ riba nan producto ’SPAM Classic’. Departamento di Salud Publico atravez di su seccion Servicio Veterinario a wordo informa di esaki door di U.S. Department of Agriculture’s Food Safety and Inspection Service.
Ta recolectando e producto aki despues cu e compania a ricibi keho di cliente cu a encontra fragmento di metal den e producto. Ta trata aki di ‘SPAM Classic’ establishement nr: EST199N cu e fecha di ‘Best By’ February 2021 y Production codes di F020881, F020882, F020883, F020884, F020885, F020886, F020887, F020888, y F020889.
Servicio Veterinario despues di a ricibi e informacion aki mesora a cuminsa cu investigacion, tumando contacto cu diferente distribuidor pa determina si e producto a wordo importa. Si esaki ta e caso e producto lo wordo baha di shelf mas pronto posibel.
Departamento di Salud Publico ta conseha consumidor pa controla si nan por a cumpra e producto aki recientemente cu e numbernan di establishement ariba menciona. Si esaki ta e caso no come e producto pero entrega esaki bek na e punto di benta.
Pa mas informacion por tuma contacto cu servicio Veterinario di Departamento di Salud Publico na 5224200
