Mescos cu su colega Edward Robles, Patrick Christiaans, kende tambe ta un tecnico di restauracion, ta duna charla na muchanan di scol. El a comenta cu ta trata aki di un charla hopi informativo cu nan ta splica e muchanan tocante e diferente monumentonan cu tin aki na Aruba y ta papiando aki di mas of menos 338 monumento, di cual 36 ta proteha y kier haci e muchanan conciente di e balor di e monumentonan aki y sigur cu nan tin balor historico. Si nos mira na Aruba, nos ta hopi rico na monumento, na informacion y na historia, y esey kier haci e muchanan tambe conciente cu aki algun aña, kisas ora nan mes ta grandi, nan tambe por conta nan yiunan, cu nan por haci nan conciente di e monumentonan aki y e balor cu nan tin. Balor cultura, balor historico y kisas tin luga of tin di e monumentonan cu tabata tin un momento historico cu a sosode. Por ta a firma un documento, of a traha himno di Aruba, cosnan asina cu kier trece y pa por informa e muchanan aki di e monumentonan. Siguramente e ta un experiencia hopi bunita pa Christiaans mes, pa presenta e informacion aki, pasobra, no pa e mes, cual e tambe ta siña for di dje, pero pa siña e muchanan di e monumentonan aki.
Material
Segun Christiaans, durante di e presentacionnan na scol, ta duna, fuera di e material, tin algun powerpoint cu nan ta duna y ta ilustra di e proyectonan y na final cada mucha ta ricibi un foyeto di Departamento di Monumento cu algun informacion di locual cu a duna durante di un presentacion. E foyeto aki mes por splicanan kico ta un monumento. Ki ora un monumento of un edificio ta wordo yama un monumento. Un monumento ta wak’e den e parti cu e mester tin minimo 50 aña. Menos cu esey no ta un monumento y na final di cada presentacion, un mucha ta haya un foyeto cu informacion.
Despues tin un otro tambe cu nan ta duna na final na e docentenan mes, cu nan tambe por haya mas informacion tocante di e diferente monumentonan, e casnan floria y cu na final, e docente tambe por duna informacion durante di un les pa e muchanan den klas. Na final tin e seyo di monumento cu ta wordo poni riba un monumento protehi cu Departamento di Monumento ta pone riba e edificionan aki. Pa e seyo aki tin su rekisitonan cu un seyo asina aki por wordo poni riba un edificio. Esaki ta en corto algun material cu ta wordo presenta na e muchanan, fuera di e powerpoint y cu siguramente e muchanan na final di cada presentacion ta keda hopi contento y nan ta haya sa mas di e monumentonan cu Aruba tin y siguramente Christiaans ta orguyoso di bisa, trahando na Departamento di Monumento, cu tin hopi bunita monumento, arkitectura, historia y di parti di e Departamento di Monumento kier comparti esaki cu no solamente cu nos muchanan, pero tambe cu comunidad di Aruba.
