Departamento di Higiena ta conoci pa control, pa asina garantisa higiena, tur caminda, den supermercado, restaurant, etc. E controlnan aki ta andando. Tambe nan sa di control general grandi tambe. Segun Yvette Geerman, esaki ta algo rutinario. Nan ta controla constantemente y si tin keho ta drenta, nan ta controla.
Loke ta accion grandi, nan a tene aña pasa, unda cu nan a efectua diferente departamento. Pa e aña aki, tin algun accion planea, cu algun departamento cu lo bay haci conhuntamente cu nan. Esakinan ta bay ta den lunanan en adelante. Lo bay haci cierto accionnan manera riba controlamento riba tereno di higiena, hunto cu otro departamentonan. Tin diferente planning poni pa e aña aki y lo sigui. Esaki ta pa controla localidad, e calidad di cuminda, etc. Esey ta un parti di e trabao y lo bay sigui haci’e tambe.
E importancia
E ta hopi importante, mirando cu ora bo ta traha conhuntamente cu diferente departamento, cu diferente disciplina, bo ta logra cosnan hopi mas miho hunto. E ta tuma hopi tempo si pasobra bo tin cu organisa pa bo haya tur e departamentonan hunto, mirando cu cada un tin nan trabao riba nan mes, pa bo por logra controla tur e localidadnan. Pero ta keda kere traha hunto, pasobra trahando hunto bo por logra hopi mas cu cada un departamento ta controla individual riba nan mes. Departamento di Salud Publico ta keda kere den cooperacion y lo keda enfoca riba esaki tambe pa keda traha hunto cu diferente departamento pa por logra cosnan hunto di manera cu cambionan por sosode mas lihe, mirando cu ora bo ta individual e ta bira un tiki mas dificil.
Un paso formal
Tin simannan atras cu tabata tin negoshinan cu nan a cera pa 48 ora. Mirando cu e parti di higiena nan no ta cumpli cu e rekisitonan. Ta keda actua. Esaki ta parti di nan trabao. Constantemente ora tin cosnan cu ta iregular, esta cu nan no ta cumpli pa loke ta higiena, mientras tanto cu departamento di salud publico, ta tuma su decision y pa e parti di sancion. Si ta cera luga, ta laga cera. Pa loke ta e carchinan di salud, tambe nan ta controla. E ta keda. Si na momento cu nan no cumpli cu e parti aki, nan ta haya boet, segun Yvette Geerman.
Loke ta resalta hopi ta e parti di higiena entre otro. E higiena ta keda hunga un rol constantemente cu ta mirando cu si tin algun localidad, ora cu nan no ta bishita frecuentemente. E ta bira cu nan ta bira negligente. Nan ta bolbe bay den nan ritmo con nan tabata, di manera cu e luga no ta limpi.
Esey ta keda resalta toch. Geerman a splica cu nan ta haya esaki den nan control, e parti di limpiesa, cu no ta na ordo. Esey ta loke nan ta lamenta como departamento di salud publico, mirando cu ultimo añanan ta pone hopi atencion y nan lo sigui pone atencion riba e tereno aki, cu locual ta e parti basico, cu food safety ta keda un rol importante y e ta cuminsa na e parti di higiena. Tambe, mirando cu si no cumpli cu e rekisitonan di e parti basico, semper na final bo por tin consecuencianan grandi.
Esey ta resalta masha hopi mes, y departamento di salud publico ta lamenta esey. Nan ta sigui pone nan atencion. Lo keda educa y lo keda haci nan inspeccion y control den tur localidad.
