En conexion cu e temporada di dianan di fiesta y vakantie di scol, Departamento di Enseñansa Aruba (DEA) ta informa cu tur su oficinanan lo ta cera pa publico di dialuna 24 di december 2018 te cu diaranson dia 2 di Januari 2019.
Departamento di Enseñansa lo brinda servicio na e orarionan di custumber cuminsando diahuebs dia 3 di januari 2019.
Seccion Studiefaciliteiten cu ta encarga cu Arubalening lo ta cera pa publico di dialuna 24 di december 2018 te cu diabierna dia 4 di Januari, y lo ta habri pa publico entrante dialuna dia 7 di januari 2019.
Pa informacion di e dianan oficial di vakantie di scol por acudi na e website di Departamento di Enseñansa Aruba [www.ea.aw]. Aki por haya e vakantieroosters oficial y e ATV-dagen pa “Onderwijspersoneel”, como tambe copia di e ATV-dagen pa “Ambtenaren en Gelijkgestelden”
y e Dianan Oficial di Fiesta.
Pa mas informacion por sigui DEA tambe a traves di Facebook, Twitter y Instagram @EducationAruba.
Personal di Departamento di Enseñansa Aruba ta desea henter e comunidad di Aruba feliz dianan di fiesta y un prospero aña 2019.
