Un persona caminda pa trabou a haya un sorpresa amargo awe mainta na un supermercado na noord despues cu un turista a agredi’e.
Dialuna mainta den careda di 8:00 am a sosode un intercambio cu despues a bira un agresion formal caminda un turista a parti sla inespera riba un persona local rumbo pa trabou. E victima ta un persona cu ta traha den area di beach y ta conta cu e no ta hende cu ta haye den problema pero cu awe a hay’e den un basta amargo. Polis a presenta na NG Supermarket na Noord y aki a cuminsa haya informacion di ambos banda di partido kico ta locual a tuma luga.
E turista a agredi un cliente y no kier a tuma aden cu e ta fout. Segun testigonan e persona aki tin algun siman riba nos isla y na varios ocacion a top’e basta bou influencia. Segun por a compronde, el a baha di su vehiculo, dal e auto y agredi e cliente di e supermercado cu ta un persona local.
Por a tuma nota tambe cu e tension tabata basta halto. Diferente unidad di polis a presenta y keto bay e turista su actitud tabata fresco y cu insulto den direccion di polis. Un rato despues polis a detene e turista. E no a bay mucho contento den e transporte y tabata pidi pa detene e victima tambe.
