Cherryldine Buckley ta funcionario di comunicacion na SVB y e ta conta un tiki riba e asunto cu tin di haber cu pensioen. Ta importante pa sa di e desaroyo entre otro di cambionan cu a wordo introduci entre otro y tambe edad di pensioen. Den edicion 2020 di SVB a prepara varios mehoracion den calidad di servicio. Cu esaki ta haci desaroyonan hopi importante pa digitalisacion di e servicionan. Ora cu ta referi specificamente na pensioen, aña pasa, durante di un conferencia di prensa, e director Edwin Jacobs, a presenta e vision 2020, caminda cu e pensionadonan tambe ta bay den direccion di modernisacion y modernisa e forma di aplica y duna servicio na nan. Aña pasa a introduci MiPensioen, caminda cu e pensionadonan por registra y den un forma digital yega na un informacion pa nan por atende cu nan asuntonan di belasting, pa nan por haya nan jaarrekening online.
Awo a introduci e parti di aplica pa e pensioen online. Esey ta nifica cu ora cu yega edad di pensioen, por aplica bayendo riba nan website www.svbaruba.org, e ora tin un video di instruccion, cu ta mustra paso pa paso con ta registra. Importante di esaki ta, hopi biaha hendenan ta kere cu e pensioen ta bay automaticamente. Ta yega na edad di pensioen y SVB sa ken lo tin derecho di pensioen y ta bay dimes, pero no ta bay asina.
Tur hende cu tin edad di pensioen, tin cu aplica pa nan pensioen. Cu esaki tin cu yena formulario, sea online, of traha un cita den e departamento di pensioen, e ora ta haci un aplicacion.
Dicon
Esaki ta pa motibo cu tin cu calcula e pensioen, mester sa exactamente ki dia ta bay cobr’e y tambe mester datonan personal pa pasa e suma di placa aki riba bo cuenta na banco. Tin un pregunta y un missconception cu ta bisa dicon un hende ta haya mas un hende ta haya menos. E punto ta cu si bo a firma for di 15 aña na Aruba te ora cu bo yega edad di pensioen, bo ta haya un volledig pensioen. Na momento cu a bay studia afo of bay bin bek den un temporada, of esnan cu a migra bin Aruba, e ora eynan, nan no tin e derecho riba un volledig pensioen. Tin cu calcula e ora eynan kico e suma di pensioen ta bira. E otro pregunta ta cu hopi hende ta den e pensamento cu ta cobra pensioen cu 65 aña. Ley a pasa pa por gradualmente yega na 65 aña. Pero actualmente ta na 61.5 aña. Esey ta nifica cu tur esnan cu a nace riba of entre un di Januari 1956 pa 30 di Juni 1956, nan tin 65 aña y mey y nan lo ta cobrando awor aki nan pensioen, dus mester aplica. No por warda awor aki pa bo haci 65 aña. Esnan cu ta bay cobra pensioen cu 65 aña ta personanan cu a nace for di prome di Juli di 1959 y esey ta bay ta na Januari na aña 2024. Esey ta e confusion cu tin door cu tin hopi hende ta papiando ultimo tempo cu pensioen a bira hot item. Tur hende ta papia di edad di pensioen a subi, ta trece un confusion. Loke a haci di parti di SVB, tur esnan cu ta yega na remarca pa e sistema di pensioen, ta bay ricibi un carta na nan cas cu nan number di AOV cu nan instruccion, con nan por registra, con por bay online, atrabes di email.
