Na SVb den Vondellaan tambe tin computer pa sinja futuro pensionado registra online

119

Mayoria di hende tin smartphone of computer na cas. E ta hopi facil cu bo no mester bin sinta warda beurt y semper tambe por yama, traha un cita. Por yama na 5272760, ta e departamento di recht di pensioen, ta traha cita y ta guia door di e proceso. Si ta bisa cu mester purba con e ta, por bin na Vondellaan. Tin dos computer den sala, ta bay online, ta yena aplicacion, bay den full e proceso y si e pega tin hende pa yuda. No mester tin ningun preocupacion pa esey.

Pendiente

 

Muller a splica cu un persona purba di yega e registro, e sistema ta bisa cu e no ta bin na remarca ainda pa aplica. No cu ta bin na remarca pa pensioen, pero bin na remarca pa aplica pa pensioen. Tres luna prome cu yega na edad di pensioen por aplica. Awor aki ta na 61.5 aña. Esnan cu ta haci aña na December, por pensa tres luna prome cu haci aña por aplica y ta paga dia 1 di e siguiente luna tambe. E ta basta simpel, segun Muller. Door cu tin e video di instruccion riba e website, e ora por pasa door di dje paso pa paso con e ta bay, haciendo e registro mas facil ainda online. Tambe ta importante pa keda remarca na nos hendenan cu ta riba 60 aña cu riba e website tin e cuadro cu edadnan. Eynan mes por mira cu si a nace entre tal fecha y tal fecha, ki dia ta bin na remarca pa pensioen e ora ta conta tres luna afo y tin e rekensommetje ki ora mester aplica.

Con a sigui desde introduccion

E registro ta bayendo basta bon. Personanan ta reaccionando y ta haya tur dia tambe e reaccion di comunidad. Ta mira si cu den e caso di otro servicionan digital, cu e ta mas hopi e reaccion. Ta mira toch e personanan cu ta yegando na edad di pensioen, no ta sigur con e tin cu haci’e. Pesey kier keda informa nan cu tin e video di instruccion. Pero e ta wordo uza y bon uza. Loke ta remarca tambe ta cu hopi hende ta bishitando e website pa busca informacion, Muller a bisa por ultimo.