Accidente den Caya Boes Orman a laga dama cu corta serio

Den careda di 8 :45 diahuebs anochi,  patruya di trafico a ser dirigi riba e caminda di Arend straat cu awe ta Caya Boes Orman, caminda  a sosode un accidente y lo tin herido. Na yegada di patruya a bin topa cu un Toyota Yaris color preto numera A-68965 y un Chevrolet Vivant color cora numera A-54618 cu  tabata envolvi den e accidente aki. Ora polis a bay chek kiko  a sosode,  a bin saca afo cu e Chevrolet Vivant cora lo tabata bayendo ariba y e Yaris preto bayendo abou. E Chevrolet  a hala un poco dimas den banda links di e Yaris  cu consecuencia cu e dos spielnan a dal den otro y e spiel di e Yaris a kibra y herida e dama manehador di e Yaris. A corte na su pols malamente y tambe algun corta mas na su cara. Ambulance a presenta na e sitio pa asina atende cu e dama y despues a transporte pa hospital.