Marca bo kalender pa un evento emocionante di Dia di Rey mientras One Love Foundation y Bucuti & Tara Beach Resort orguyosamente ta presenta nan di 3rd Annual 1-Mile and 5-KM Charity Dog Walk/Run. E evento aki taprograma pa tuma luga dia 27 di april 2024, cuminsando na 8:00anna Linear Park, situa dilanti di e parking lot di Costa Linda Beach Resort.
Uni bo mes na nos mientras nos reuni na honor di Stimami Sterilisami dedicando e evento aki pa recauda fondo y consciencia pa e programa vital di castracion y sterilisacion nacional di e fundacion diseña pa aborda e problema di animalnan riba caya riba nos isla. Henter e comunidad, hunto cu nan amigonan di cuatro pata, ta cordialmente invita pa participa den un mainta yen di fitness, diversion, y filantropia. Lo tin rifanan cu premionan emocionante, y awa, fruta, y snack pa cacho lo ta disponibel pa e participantenan y nan mascota.
Pa esunnan cu no tin un compañero di cuater pata, pero asina mes kier participa, por uni na e evento nan so of opta pa ta boluntario y compaña un di e animalnan rescata for di organisacionnan manera Sgt Peppers Friends, Luna Foundation, Crijojo Trappers, ARF (Animal Relief Foundation), New Life For Paws, y Animal Shelter, tur ta invita pa participa.
Con pa participa
Participantenan por inscribi via e website di Stimami Sterilisami: www.stimamisterilisami.com/events. Rib’e formulario di inscripcion, por indica tambe si kier ta boluntario pa cana c’un cacho rescata for di un di e organisacionnan di rescate. Sigura di pone tur bo informacion di contacto pa nan por tuma contacto cu bo prome. Participacion ta completamente gratis, pero donacionnan ta hopi aprecia y ta bay directamente pa e programa di castracion y sterilisacon nacional di Stimami Sterilisami.
Pa esunnan cu ta prefera di haci un donacion bancario (sin importa nan participacion), por haci esey di e manera aki: Pa hendenan local: por haci un transferencia directo pa e cuenta bancario di Fundacion Stimami Sterilisami: Aruba Bank: 6012630190
Pa esunnan cu ta biba afo: Venmo: @onelovefoundationinc (ultimo cuater cifranan ta 6144)
PayPal: paypal@onelovefoundationinc
Impacto y Aliansa
E historia di e esfuersonan di Stimami Sterilisami ta uno di pasion colectivo, aportacionnan impactante, y un vision comparti pa futuro di bienestar di animal na Aruba. Centro di e narativa aki ta e creacion di Stimami Sterilisami, funda na 2016 pa Bucuti & Tara Beach Resort. E momento crucial aki a marca principio di sterilisacionnan accesibel y disponibel tanto pa cacho y pushi local, sea e ta pertenece na doñonan individual di mascota of rescata pa organisacionnan di rescate. Como e donante y colaborado mas grandi di Stimami, Bucuti & Tara Beach Resort a hunga un papel instrumental pa duna forma na e trayecto di e fundacion, dunando apoyo incondicional y recursonan cu a permiti nan tuma pasonan importante pa logra nan metanan.
One Love Foundation, un organisacion basa na Merca, a forma un asociacion importante cu Stimami Sterilisami y Bucuti & Tara na December 2021. E fundacion ta envolvi activamente den yuda organisacionnan di rescate local y recaudando fondo for di donacionnan generoso na Merca pa Stimami Sterilisami. Te awe, e colaboracion cu One Love Foundation no ta nada menos cu inspirado. E a logra recauda mas cu USD 25,000 den donacionnan, cual Bucuti & Tara Beach Resort a retribui, duplicando e impacto di cada donacion pa nos meta comparti.
“For di nos inicio, nos mision tabata pa hiba cambionan positivo pa e animalnan di caya di Aruba dor di sostene esfuersonan di rescate local pa medionan varios, incluyendo proporcionando articulonan esencial y cuido veterinario. Pero, nos ta reconoce cu pa aborda e causa reis y controla e fluho creciente di animalnan di caya, sterilisacion masivo ta imperativo. Nos colaboracion cu Fundashon Stimami Sterilisami ta yuda facilita iniciativanan di castracion y sterilisacion amplio, subrayando nos compromiso pa efectua cambionan duradero. A pesar di ta un fundacion chikito, nos ambicionnan ta grandi, y ta pa medio di asociacionnan strategico manera e aki cu nos ta sigui avansa pa nos vision,” e directiva di One Love Foundation, Ellen Sirianni, Rob Sirianni, Berkley Cameron, y Cassie Murvay, ta splica.
Ewald Biemans, Presidente di Stimami Sterilisami y doño/CEO di Bucuti & Tara, a expresa gratitud profundo pa e asociacion aki, comentando, “E dedicacion y generosidad incondicional di One Love Foundation, hunto cu e aportacionnan cu ta iguala pa Bucuti & Tara, ta aumenta significativamente nos esfuersonan y impacto colectivo. Mirando tal dedicacion firme pa nos causa for di Ellen, Rob, Berkley, Cassie, y tur esunnan cu a apoya nan ta berdaderamente stimulante. E colaboracion aki ta sirbi como un testimonio poderoso di e logronan remarcabel cu nos por alcansa ora nos uni nos forsa.”
