Despues di 9:00 pm a sosode un accidente n’e rotonde banda di Ling & Sons Food Market. Ta trata di un auto marca Nissan modelo Murano color blanco, numera A-26297, cu pa un motibo of otro e chauffeur a dal contra di e rotonde.
Polis a presenta na e sitio pa cuminsa cera esaki, mientras tabata warda yegada di ambulance. Na yegada di ambulance, e paramediconan a cuminsa controla e chauffeur, mientras cu polis a hala tur hende patras. Brandweer tambe a presenta na sitio pa brinda asistencia, wardando kico pa haci.
Despues di a controla e persona dokter a presenta na sitio y constata morto di Delwin Lindor Maduro naci na Aruba riba 4 di september 1991. Headlines Group, cas editorial di 24ora.com y e corant TREMPAN ta expresa palabra di condolencia na famia di a defunto.